lahviniec

ERB

Thu, 12 Nov 2009 22:27:10 GMT

Віншую Эўрапейскае Радыё для Беларусі зь невялічкай перамогай!
Вельмі спадзяюся, што большая прысутнасьць у Беларусі дазволіць далей пашыраць аўдыторыю ды падвышаць якасьць матэрыялаў!
Сёньняшні рэпартаж па выніках учорашняга інтэрвію паказвае, што магчымасьці для росту ёсьць!
Асабліва здымак, што побач з маім прозьвішчам! :)

Kurs "Eurapiejskaja intehracyja", nabor 2009-2010

Fri, 30 Oct 2009 07:11:12 GMT

У супрацоўніцтве з Беларускім Калегіюмам і Таварыствам Беларускае мовы абвяшчаю набор слухачоў на курс “Інтэграцыйныя працэсы ды інстытуцыі Эўразьвязу”.

Мэта курсу - прадставіць дэталёвую карціну палітычных працэсаў і асноўных палітыкаў Эўразьвязу, паказаць асноўныя мадэлі і характарыстычныя рысы эвалюцыі ЭЗ, разьвіць у слухачоў навыкі аналізу эўрапейскіх інтэграцыйных працэсаў. У рамках курсу адбываюцца дэбаты і абмеркаваньні гісторыі дачыненьняў, актуальных пытаньнях ды мадэляў будучага ўзаемадзеяньня паміж Беларусьсю і аб’яднанай Эўропай.

Курс складаецца з 16 заняткаў. Слухачы курсу маюць магчымасьць браць удзел у праграмах абмену, якія рэалізуецца супольна з эўрапейскімі адукацыйнымі ўстановамі, у прыватнасьці Каледжам Эўропы (Наталін, Польшча).

Мова выкладаньня курсу – беларуская. Для вывучэньня ўсіх матэрыялаў курсу веданьне ангельскае мовы вельмі пажаданае.

Арганізацыйнае спатканьне адбудзецца ў пятніцу 06 лістапада 2009г. а 17.00 на сядзібе Таварыства беларускай мовы (вул. Румянцава, 13).

Распаўсюд дадзенае інфармацыі сярод зацікаўленых асобаў, а таксама на сайтах і блёгах толькі вітаецца.

Дадатковая інфармацыя

+375296061034 a @ lahviniec.org

Адкрыты сход грамадзкасьці мікрараёну Сухарава

Tue, 27 Oct 2009 20:54:04 GMT

Шаноўнае Спадарства!

Сардэчна запрашаю Вас у пятніцу 30 кастрычніка 2009 г. а 18.00 на адкрыты сход грамадзкасьці мікрараёну Сухарава, а таксама ўсіх ахвотных менчукоў, на якім адбудзецца вылучэньне дэлегатаў на Беларускі Эўрапейскі Форум.

Мэта Беларускага Эўрапейскага Форуму, які адбудзецца 14 лістапада 2009 году, – падтрымаць паварот Беларусі ў бок Эўрапейскага Зьвязу, зрабіць незваротнымі працэсы эўрапеізацыі Беларусі, мабілізаваць прыхільнікаў эўрапейскага выбару для нашай краіны.

На сходзе 30 кастрычніка, апроч вылучэньня дэлегатаў, будзе абмеркаванай новая палітыка Эўрапейскага зьвязу ў дачыненьні да Беларусі, магчымасьці і шансы для беларускіх праэўрапейскіх сілаў. У другой палове сходу адбудзецца сустрэча зь вядомым беларускім сьпеваком Зьміцерам Вайцюшкевічам, які адкажа на пытаньні ды прасьпявае любімыя песьні.

Вельмі разьлічваю на Вашу прысутнасьць на сходзе. Прашу запрашаць Вашых блізкіх і сяброў. Калі ласка, папярэдне інфармуйце мяне пра Вашае жаданьне быць вылучаным дэлегатам на Форум.

Пачатак а 18.00 па адрасе: Менск, вул. Машэрава (былая Варвашэні), 8 (Управа партыі Беларускага Народнага Фронту).

Перапіс-2009

Sat, 17 Oct 2009 20:18:55 GMT

Сёньня заходзіў перапісчык. Станоўча ўспрыняў мае аргумэнты пра важнасьць мовы - ~~нічога не маю супраць Вас асабіста,~~ ~~але~~ ~~хачу скарыстаць з вельмі рэдкага выпадку прымусіць прадстаўніка дзяржавы размаўляць са мной на маёй мове~~. Адказаў мне па-беларуску, знайшоў фармуляр ды запаўняў яго на роднай мове.
Усьцешыла, што выпадкі, калі людзі абіраюць мову продкаў, далёка не адзінкавыя.
Жыве ~~жуе і нікуды ня дзенецца~~ ! ;)

Асаблівасьці перакладу-3

Sun, 13 Sep 2009 11:10:24 GMT

Сёньня павесяліў сын. Яму задалі перакласьці з расейскай на беларускую адзін, на маю думку, кан'юктурны ~~"інтэграсцкі"~~ тэкст Якуба Коласа (падручнік В.У. Протчанка, В.П. Протчанка Беларуская мова 10 клас, ст. 21 пр. 38 ). У тэксьце ёсьць выраз па-расейску "узы братства". Не паслухаўшы мяне - я прапаноўваў слова "повязі", - Антось скарыстаўся google translate . У выніку, атрымалася нават больш дакладна, зважаючы на гістрычную праўду :

Дарэчы, салідарны з крытыкай:

Вінцук Вячорка: ~~Кім~~ ЧЫМ засялілі падручнік беларускай мовы?
Перакананы, у Коласа - безьліч няўміручых тэкстаў, на якіх варта выхоўваць беларусаў.
Думаю, наконт катэгорыяў братэрства вельмі трапна ~~хаця ў сёньняшніх варунках не зусім палітычна карэктна~~ выказаўся іншы клясык беларускае літаратуры ў вершы "Сваякі"

аб палітычнай кан'юктуры

Sat, 12 Sep 2009 07:44:16 GMT

Цешуся выразам калегі <Хто ж можа разьлічваць на посьпех у гэтай барацьбе, калі баіцца выйсьці на 'праймэрыз', дзе ўсе ў роўных умовах?>.
Вельмі рады, што ён сугучны з маёй прапановай паўтара-гадовай даўніны <Адкрыты агульны сход прадстаўнікоў дэмакратычнай грамадзкасьці нашай акругі – найлепшы мэханізм у дадзеным выпадку, які дазволіць, сярод іншага, выявіць наяўнасьць мясцовай каманды і ацаніць мабілізацыйны патэнцыял кожнага з прэтэндэнтаў.>
Хачу таксама нагадаць пра той адказ, які я атрымаў ад абсалютнага лідэра гучных інтэрнэт-заяваў <Есть одно универсальное средство определения конкурентоспособности кандидата. Это социологический замер уровня общественной поддержки. Просто и объективно.>
Прашу стужка-фрэндаў выказаць свае думкі пра тое, што спрычынілася да зьменаў палітычнай кан'юктуры ў пытаньні перадвыбараў.

Мая пазыцыя наконт рэалізацыі ідэі "перадвыбараў" у Беларусі: гэта варта шырока апрабаваць - ~~што нехта збаяўся рабіць вясной 2008 году~~ - на мясцовым роўні, а агульнанацыянальна праводзіць такую працэдуру ў варунках аўтарытарызму - вельмі складаная рэч: памяшканьні, сродкі, чыньнік страху + брак даверу паміж партнэрамі ды амальнемагчымасьць забесьпячэньня празрыстасьці.

Mon, 07 Sep 2009 07:06:56 GMT

Create your own travel map or travel blog
Find deals on airfare at TripAdvisor

Аналёгіі?

Sun, 06 Sep 2009 10:26:00 GMT

Мая былая выкладчыца, а пазьней калежанка так напісала пра ролю палітычных анэкдотаў ў аўтарытарных рэжымах:
за савецкім часам анекдоты былі найбольш пашыранай формай выяўлення грамадскай думкі: яны распавядаліся ў прыватных абставінах і таму на іх не магла распаўсюджвацца цэнзура; паколькі ж яны перадаваліся з вуснаў у вусны, іх аўтар заставаўся невядомы і гэта ратавала ад пакарання (хоць за Брэжневым ужо нават сам факт апавядання анекдоту мог цягнуць за сабой сур’ёзныя непрыемнасці для апавядальніка)
Палітычныя анэкдоты пра Брэжнева - адно з адлюстраваньняў нягегласьці, застою ды глыбокае крызы саўковай сыстэмы.
Дзякуй, poczobut , за актуалізацыю пытаньня :)

Wishful thinking

Tue, 25 Aug 2009 18:25:36 GMT

Демсилы положат конец политическим склокам с Россией - на якіх людзей разьлічаны гэты загаловак? Які будзе гэты "канец"? А як думаюць зь іншага канца? Ці "склокі" ў двухбаковых стасунках залежаць толькі ад Беларусі?
Карацей, як той казаў, "дай Божа нашаму ягнятку ды воўка зьесьці".
Арганізатары не выглядаюць на наіўных ды недалёкіх у палітыцы людзей. Дык навошта ж гнацца за танным фанабэрыста-гучным піярам?

футбол на кубак Свабоды імя Генадзя Карпенкі

Wed, 05 Aug 2009 16:17:23 GMT

У складзе Рухаўскай каманды на турніры імя Карпенкі з 8 гульцоў ~~на жаль, за кароткі тэрмін не пасьпелі запрасіць яшчэ чатырох~~ было 6 былых кандыдатаў у дэпутаты (75%), г. зн. людзей з актыўнай палітычнай пазыцыяй і пэўнай грамадзкай вядомасьцю.

За выняткам каманды журналістаў, цікава які адсотак складалі былыя кандыдаты ў дэпутаты ў іншых камандах, асабліва ў камандзе, якая перамагла?
калі б я ў гульне з "фронтаўскай" камандай за 3-яе месца зрэалізаваў мой шанец падчас выхаде сам-на-сам з брамнікам пры ліку 2:1 на нашу карысьць ...:(

Зь іншага боку, ці быў бы ў нас прыз “Трымайся праўды” :)
У кожным разе, атрымаў ад футболу велізарнае задавальненьне.
Дзякуй вялікі Юлі (за здымак на НН) Арцёму за вось гэты здымак

.

Siarhiej Pańkoŭski. In Memoriam

Sun, 14 Jun 2009 20:05:46 GMT

Памёр цудоўны чалавек.
Я пазнаёміўся зь Сяргеем Ігаравічам у 1993, калі адчыняўся Франка-беларускі факультэт. Ён тады як дэкан асабіста размаўляў з кожным абітурыентам.

Пэўныя рэчы, якія ён тады распавядаў пра новы факультэт, мне - студэнту 4-га курса адзьдзяленьня міжнародных дачыненьняў - падаваліся маларэальнымі. Францускія выкладчыкі, дыплём, прызнаваны францускімі інстытутамі палітычных навук, магчымасьць навучаньня ў Францыі - пазьней ўсе гэтыя рэчы сталіся рэчаіснасьцю. Я памыляўся, калі на пачатку меркаваў, што пэўная філязофская адарванасьць ад надзённага жыцьця абумоўлівала празьмернасьць плянаў і праектаў Сяргея Ігаравіча. Якраз наадварот, ён бачыў на крокі наперад, мог адказна распачаць новую справу, знайсьці аднадумцаў і партнэраў для ейнай рэалізацыі. Вельмі цешуся, што пашчасьціла быць ягоным студэнтам, а пазьней – калегам.

Сяргей Ігаравіч бачыў у кожным чалавеку асобу, не адрозьніваючы па шкале студэнт-выкладчык ці якойсьці іншай. З 1999 году, калі я пачаў выкладаць на нашым факультэце, узаемадачыньньні паміж намі засталіся па-ранейшаму адкрытымі ды ўзаемапаважлівымі. Ён меў выключную здольнасьць прыслухоўвацца і ўлічваць меркаваньні ды аргумэнты іншых.

Ягоны розум, інтэлігентнасьць, мэтаскіраванасьць, пачуцьцё гумару сталіся зарукай ягоных дасягненьняў. Стваральнік і аптыміст, ён стаў прызнаным аўтарытэтам у беларускай грамадзкай прасторы, прычым ягоныя ацэнкі грамадзка-палітычнага разьвіцьця краіны адрозьніваліся сваёй грунтоўнасьцю, пасьлядоўнасьцю ды адказнасьцю.

Вельмі шкада, што ён так зарана зыйшоў…

Досьвед пасьлядоўнага "самаперакладу"

Wed, 10 Jun 2009 19:16:10 GMT

Сёньня, падчас сустрэчы з французкімі парлямэнтарамі, вырашыў перакладаць самога сябе з французкай на беларускую для нефранкамоўных калегаў.
Апроч жаданьня дакладна данесьці сваю пазыцыю на мове суразмоўцаў, маё рашэньне таксама было абумоўленае імкненьнем скараціць магчымасьці для розных ~~інсынуацыяў~~ ~~вакол~~ інтэрпрэтацыяў пазыцыі Руху "За Свабоду" або ягоных прадстаўнікоў.
Па-ранейшаму цікава, які філёляг-~~дробны паскуднік~~ з прэсавай службы БНФ так пашчыраваў, інтэрпрэтуючы мой выступ у чэскім сэнаце праз фразу:
Пазыцыя прадстаўніка “Руху за свабоду” дапускае безумоўнае аднаўленьне для Беларусі статусу спэцыяльна запрошанай на выпрабаваўчы тэрмін.
Самае цікавае, што прысутны разам са мной ў Празе Алесь Стральцоў папрасіў у мяне прабачэньня за выключныя здольнасьці невядомага фронтаўскага пісьчука прыпісваць іншым несказанае і амаль супрацьлеглае.
Да гэтага выпадку, не заўсёды даваў веры Юрасю, калі той распавядаў пра амаль неверагодныя інтэрпрэтатарскія здольнасьці некаторых вядомых фронтаўцаў.

Комплекс Юлі?

Sat, 09 May 2009 10:18:12 GMT

На Пражскім саміце Ўсходняга партнэрства віцэ-прэм'ер Сямашка адмовіўся фатаграфавацца разам з 32 (27+6-1) кіраўнікамі дэлегацыяў іншых краінаў (He also declined to join in the summit 'family photo' with the other 32 delegates).
У чым прычына?
Няўжо "комплекс Юлі"?
Слава незалежнай журналістыцы!

Аўтара!

Wed, 29 Apr 2009 07:25:04 GMT

цікава, ці спраўдзіцца анэкдот, які яшчэ пару гадоў таму даваў сваю вэрсію Праскага скандалу?
<Иду я значыць у Праге па Карлаваму масту..>
D)
~~balšynia spasyłak u google na .ru abo ua, tamu~~ ~~nie znajšoŭ dobry biełaruski link, .~~

Беларусы ў Вільні

Mon, 27 Apr 2009 07:25:14 GMT

Учора вечарам на прыпынку ля Віленскага чыгуначнага вакзалу больш за паўтузіна маладзёнаў вольна, бадзёра, упэўнена ў сабе (карацей, ~~in a assertive way~~ сьцьвярджальна) гаманілі паміж сабой на мове Вітаўта, Сапегі, Каліноўскага, Купалы і Караткевіча.
Нават вельмі прыязна падказалі мне нумар тэлефона больш таннай кампаніі таксовак, калі я так і не дачакаўся 17 тралейбусу ~~відаць, адмянілі :(~~
Падумалася, калі не ЭГУ ў Вільні ~~дарэчы сёлета 10 год,як я выкладаю ў ЭГУ~~ , дык наўрад ці я, рыхтык як і сотні маладых беларусаў, так добра спазналі б хараство нашай старажытнай сталіцы.
Таксама далучаюся да майго калегі:
Хто б, як і што не пісаў, ні казаў, але ЕГУ цяпер ёсьць і, выглядае, у агляднай перспэктыве, застанецца самым беларускім унівэрсітэтам у сьвеце.
Адначасова, вельмі моцна жадаю далейшага разьвіцьця іншага, ня менш ~~а вельмі верагодна і больш~~ беларускага асяродку вольнае ўнівэрсытэцкае думкі.
Карацей, "не спыніць, не стрымаць".
Для мяне, Вострая Брама - абавязковы складнік кожнае вандроўкі ў Вільню.

В трилогии Генрика Сенкевича вам ближе всего - Януш Радзивилл

Sat, 25 Apr 2009 09:51:14 GMT

В трилогии Генрика Сенкевича вам ближе всего - Януш Радзивилл Kнязь, воевода виленский и Великий гетман литовский. Личность незаурядная, погубленная собственной незаурядностью, стремившаяся к слишком большему, к независимости и монаршьей власти. В 1655 году заключил в Кейданах с шведским королём Карлом Х Густавом так называемую Кейданскую унию, — соглашение, по которому Великое княжество Литовское выходило из состава Литовско-Польского государства и вступала в федеративный союз с Швецией. Горд, умен, мстителен, неразборчив в средствах. Переоценил свои силы и надежность союзников. По Сенкевичу, умер от прогрессировавшей астмы и истощения, есть версия, что был отравлен.Пройти тест">

В трилогии Генрика Сенкевича вам ближе всего - Януш Радзивилл

Асаблівасьці перакладу-2

Fri, 24 Apr 2009 10:13:38 GMT

На днях, слухаючы Эўрарадыё, пачуў урыўкі інтэрвію князя Шварцэнбэрга, якое ён даў па сканчэньні свайго візыту ў Менск. Інтэрвію ён даваў па-ангельску.
У такім выпадку, фраза <Я думаю, што і Лукашэнка, і Мілінкевіч – інтэлігентныя люді> была ня лепшым чынам перакладзеная, бо першае значэньне ангельскага слова intelligent - разумны.
Азначэньню "інтэлігентны", на маю думку, адпавядае толькі Мілінкевіч.
Здаецца, Шварцэнбэрг са мной пагадзіўся б :-)

Brainstorming

Sun, 19 Apr 2009 19:59:18 GMT

Пачуў ад аднаго калегі-палітоляга: існуе верагоднасьць, што прэзыдэнцкая кампанія будзе абвешчаная ня восеньню 2010, а гэтай восеньню.
Апошнія дзеяньні вядома каго ~~дыктатара (ён сам сябе так называе:))~~ можна разглядаць як інтэнсыфікацыю палітычнай камунікацыі з грамадзтвам і яўныя спробы зайграваньня з рознымі сацыяльнымі групамі.
Прытым, што Крэмль, здаецца, ня будзе рэзка адмаўляцца ад дыфэрэнцыяванай (раней была поўная) падтрымкі свайму шматгадоваму кліенту, а стан справаў у дэмсілах вельмі моцна пакідае жадаць лепшага ~~а ці быў лепшы?~~
Якія думкі на гэты конт?

Social networking

Tue, 14 Apr 2009 11:24:38 GMT

Маё ўчорашняе аднаўленьне створанага пару месяцаў таму рахунку у Vkontakte.ru дзіўна супала з сёньняшнім артыкулам на сайце Zautra.by пра выкарыстаньне беларускімі палітыкамі сацыяльных сетак. :)
Карыстастаючыся нагодай, прарэклямую мой рахунак у Фэйсбуку, сацыяльнай сетцы, якую я нашмат больш рэгулярна выкарыстоўваю.

Мой футбольны кумір юнацкіх гадоў

Fri, 27 Mar 2009 14:19:15 GMT

Сяргею Гоцманаву - 50 год. Колькі ягоных здымкаў я сабраў ў той час, колькі лічбаў "7" было намалявана флямастэрам на маіх саколках і як я радаваўся, калі ў далёкім 1987 ~~або 1988~~ атрымаў ягоны аўтограф пасьля пройгрышнага матчу ў Менску "Дынама" супраць днепрапятроўскага "Дняпра" (0:1, здаецца).

Пра Сухараўскую дыктоўку.

Mon, 23 Mar 2009 08:15:16 GMT

Больш за 30 чалавек дзякуючы запрашэньням пра Facebook, Vkontakte ды электронную рассылку.

http://www.svaboda.org/content/Article/1514418.html

http://by.milinkevich.org/news/data/ic_77/4613/

http://serabranka.livejournal.com/11414.html

Dyktoŭka-2 u honar 91-ch uhodak BNR

Wed, 18 Mar 2009 21:29:47 GMT

21 сакавіка 2009 г. а 14.00 на сядзібе ТБМ (г. Менск, вул. Румянцава, 13, ст.м. Плошча Перамогі) адбудзецца чарговы этап ІІ Агульнанацыянальнай дыктоўкі. Прысутным будзе прапанаваны для напісаньня дыктоўка "Родная мова" паводле Уладзімера Караткевіча.

Пра гісторыю акцыі апавядзе Уладзімер Падгол,
усім жыхарам Сухарава будзе падказваць Алесь Лагвінец,
уласна сам тэкст дыктоўкі будзе зачытваць Валярына.

Сардэчна запрашаем пазмагацца за прызы, тытул адукаванага беларуса і проста правесьці колькі часу ў прыемнай кумпаніі!

Уваход пакуль вольны :)

For Whom Bell Tolls, або па кім зьвініць Бэлл?

Thu, 26 Feb 2009 15:10:23 GMT

Сёньняшні артыкул пра Беларусь у маім любімым штотыднёвіку скончваецца высновай: "Магчыма нават трэба ў пэўны момант сустракацца з Лукашэнкам - найлепш, каб дамовіцца пра ягоны адыход ад улады. Але трактаваць яго нібыта ён ужо ўсё зрабіў - занадта пасьпешлівы і апераджальны крок". <It may even be necessary to meet at some point with Mr Lukashenka—preferably as part of a deal that sees him leaving power. But it is a step too far to treat him as if he had done everything already.>

Відаць недапрацаваў ~~недаплацілі~~ лорду Бэлу. Куды ідуць бюджэтныя грошы?

І атрымліваюцца марнымі ўсе мітаразьбівальныя шчыраваньні кіраўніка ~~лінгвістаў-ідэёлягаў~~ МЗСу.

Асаблівасьці перакладу

Thu, 19 Feb 2009 14:14:23 GMT

Перакладаць Хаўера Саляну сёньня зранку падчас сустрэчы з прадстаўнікамі дэмакратычнага грамадзтва было адно задавальненьне: кароткія фразы, паўзы, каб даць магчымасьць завяршыць сказ, чаканьне і ўвага рэацыі суразмоўцаў. Думаю, пераклад на беларускую з ангельскай быў дзесьці на 8/10.

Што да перакладу на ангельскую, дык тут адзнака ніжэйшая - можа 6/10. Апроч натуральнага гандыкапу перакладу на замежную мову (другую пасьля францускае), меў пэўныя цяжкасьці дастасавацца да рытму ды ня надта кароткіх фразаў некаторых беларускіх суразмоўцаў.

Source: http://www.belradio.fm/by/765/reports/28805/

Ł!

Thu, 22 Jan 2009 20:24:17 GMT

Tydzień łacinki. Łacinka.org.
Stała karystajusia łacinkaj u listavańniach z maimi studentami dy siabrami, a taksama ŭ sms-kach.
Dla dzietak mahu parekamendavać:
Lemantar-Лемантар [2,2MB] PDF. vyd. Zaranka, New York, 1964
Гэта рарытэтнае выданьне беларускага лемантара (буквара), які быў выдадзены ў 1964 годзе ў Нью-Ёрку. Лемантар напісаны прыкладна на дзьве-траціны лацінкай, астатнія часткі - кірыліцай. Адсканаваная вэрсія ўтрымлівае 96 старонак (чорна-белыя, рэз. 150 пунктаў на цалю).

Ciešusia, što asobnik hetaje knihi mnie padaravaŭ Ajciec Nadsan u Londanie.